प्रचण्डको पूर्व राजा ज्ञानेन्द्रसँग उठबस रहेको प्रधानमन्त्रीको खुलासा !

नेपाल दर्शन
९ माघ २०७७, शुक्रबार

काठमाडौं । प्रधानमन्त्री केपी शर्मा ओलीले प्रचण्डको पूर्व राजा ज्ञानेन्द्रसँग उठबस रहेको खुलासा गरेका छन् । 

आज राजधानीमा आयोजित एक कार्यक्रमलाई सम्बोधन गर्दै प्रधानमन्त्री ओलीले नेपाल कम्युनिस्ट पार्टी (नेकपा)का अर्का अध्यक्ष पुष्पकमल दाहाल ‘प्रचण्ड’लाई व्यङ्ग्य गर्दै उनले भने- “ज्ञानेन्द्रकहाँ गएर रातिराति लुकेर कति रक्सी खानुभयो ?  मेरो लुकेर जाने बानी छैन। म जे भन्छु, जे गर्छु खुला गर्छु।”

प्रचण्डले प्रधानमन्त्री ओलीलाई ‘बयलगाडा चढेर अमेरिका पुगिदैन’ भनेको विषयमा आलोचना गरेपछि त्यसको जवाफमा उनले पूर्व राजा ज्ञानेन्द्रसँगको उठबसबारे प्रश्‍न गरेका हुन् । 

“हामी संविधानको रक्षाको आन्दोलनमा छौं । संविधान हामीले ल्यायौं ।  चुनाव पनि गरायौं।  संविधान ल्याउन कति गाह्रो भयो,” प्रचण्डले संविधान ल्याने कार्यमा उनको भूमिका नभएको बताएपछि प्रधानमन्त्री ओलीले यस्तो जवाफ दिएका हुन्। 

फेसबुक प्रतिक्रिया